Annað árið á rað varð skipað fyri guðstænastu í gjónni sunnudagin 13. august 2017.

Aftur í ár var hetta gjørt í samstarvi við Vestmanna Sangkór undir leiðslu av Benjamin Gaasedal, og í ár høvdu tey eisini fingið fatur í einum samansettum hornorkestri við blásarum úr Havn, Sørvági og Vestmanna undir leiðslu av Atla Kárason Petersen. Gudmund Mortensen var organistur.

Fuglfjarðaprestur Anne Mette Greve Klementsen prædikaði.

Fyrstu ferð hetta tiltakið var fyriskipað var í fjør, tá eini 300 fólk vóru til staðar. Aftur í ár var veðrið til vildar og millum 500 og 600 fólk vitjaðu tiltakið, og tað eru fyriskipararnir sera væl nøgdir við.