Ganga ta gomlu kirkjugøtuna

22. aug. 2016

Viðrar, ætlar kirkjuliðið við Gjógv at ganga ta gomlu kirkjugøtuna frá Gjógv til Funnings sunnudagin 28. august 2016.

Byrjað verður við kirkjuna við Gjógv kl. 15.00.

Gingið verður eftir gomlu kirkjugøtuni heim gjøgnum dalin, har fyrsti steðgurin er Heimi undir Skarði, við Líkstein, har teir plagdu at hvíla, tá teir bóru lík heim til Funnings til gravar. Her verður greitt frá, eins og prestur biður eina bøn.

Eftir steðgin har verður gingið víðari móti Funningi. Næsti steðgur er við Kirkjustein uppi á Hóvabrekku. Har kemur kirkjan í Funningi undan, og tey, sum ikki orkaðu at ganga oman til Funnings og niðan aftur, plagdu at steðga har. Við Kirkjustein verður eisini greitt frá, eins og prestur biður eina bøn.

Síðani verður gingið oman til Funnings. Niðan fyri bøgarðin er eisini ein steinur, ið kallast Líksteinur, har hvílt varð seinastu ferð, tá lík varð borið heim til Funnings, og vit leggja leiðina fram við hesum steininum eisini á veg oman til Funnings.

Í Funningi verður andakt í kirkjuni. Um tað eru so nógv fólk, at ikki øll rúmast í kirkjuni, verður andaktin uttanfyri.

Øll eru vælkomin til hetta tiltakið!


Seinastu tíðindi

Skrá fyri guðstænastuna í Gjónni
11. aug. 2023
Guðstænasta í Gjónni
20. jul. 2023
Lions stuðlar bygdarhúsinum
05. jun. 2023
Aðalfundur
25. nov. 2022
Jólaguðstænasta úti
24. des. 2021
Ester sang í kirkjuni
19. des. 2021
Leiga bygdarhúsið
03. sep. 2021
Vinnararnir á lutaseðlinum
29. aug. 2021
Guðrið Hansdóttir í kirkjuni
04. aug. 2021
Jólatræ í dansistovuni
26. des. 2019