Sunnukvøldið 24. september helt David Johannesen, prestur, fyrilestur um Martin Luther.

Fyrilesturin var í bygdarhúsinum, og hann var eitt av teimum tiltøkunum, ið verða gjørd kring landið nú í heyst í samband við, at tað eru liðin 500 ár síðani Martin Luther hongdi tær 95 tesurnar upp á kirkjuhurðina í Wittenberg, sum hevði við sær reformatiónina, sum okkara fólkakirkja byggir á.

Aftan á fyrilesturin var ein kaffimuður at fáa, og spurningar og prát um dagsins evni varð eisini viðgjørt.